I hob a Messer in da Tosch'n.
I hob an Ziacha für die Flosch'n.
I hob an Öffner für die Dos'n
und a Schneuztuach für die Nos'n.
I hob an Strick zum Zaumanbinden.
I hob aa Zünda zum Tschick anzünden.
I hob a Blatt'l zum Aufeschreibm
und a Sackl zum Einespeim.
A Stickl Saf zum Protz'n wasch'n
und an Kautsche für die Gosch'n.
I hob an Schülling für'n Automat'n,
a gold'nes Kreizerl von mein Pat'n.
I hob a Bandl für mei Kutt'n
und an Olla für die Nutt'n.
I hob a Watte für die Ohr'n
und an Kulli zum Nos'n bohr'n.
I hob a Büdl von da Freindin,
a klane Flosch'n mit an Wein drin,
a saubers Glas'l zum Außetringa
und an Mundspräh gegn'as Stinga.
I hob an Ring für mein Finga
und an Opf'l geg'n mein Hunga.
I hob an Foahrschein für die Tram
und an Sock'n von daham.
I hob a Feu'n für meine Näg'l
a poar Kerndl für die Vög'l,
a Stickl Kaas für die Mäus'
und a Pulva geg'n die Läus'.
I hob a Nodl für mei G'wand
und an Handschuach für mei Hand.
I hob an Kampl für die Hoar
und an Dittrich für die Toar.
I hob an Knopf für's Telefon,
für mein Boart a Pitralon.
I hob a Mark'n für a Koart'n
und an Stumm'l "Milde Soart'n".
Und dann hob i no irgendwo
mein Autoschlüssel für'n Püschoo.
Peugeot - ein Auto wie ein Freund!
